【奇聞趣事】【有聲紋身 用app一掃描還原聲音】


近年越嚟越多人鍾意紋身,好似潮神Fishman Lok余文樂都越紋越多,越紋越有型。不過成日都講,紋身係一世嘅,要紋就要紋啲有意思嘅圖案,否則後悔事小,一世變MK仔(女)事大!而記者近排上網就睇到一段好有趣嘅紋身片,個紋身竟然可以出聲!呢個技術由一間叫SKIN MOTION嘅公司開發,概念係將聲音嘅soundwave,即音波紋 (你用iPhone錄音時見到嘅聲音圖案) 紋上皮膚,紋完後,再利用智能電話嘅專用app同鏡頭,掃描圖案,就可還原soundwave嘅聲音。即係你可以紋老婆老公講嘅「I love you」又或者係仔仔囡囡嘅喊聲叫聲都得,睇落聽落都相當有趣新穎,有意思得嚟又特別,仲唔怕俾人隨便睇到你紋咗乜。雖然好似好正,不過唔少網友就留言話唔係好信,原因係紋身嘅精細度唔足以準確記錄soundwave,即使夠精細,亦會因皮膚變化而影響圖案 (即係話可能會走音!),又好似好有道理。當然,同好多Kickstarters嘅新發明好相似,SKIN MOTION喺網上都發佈咗多條像真度好高嘅示範影片,依家佢哋做緊pre-order,聲稱紋身服務同專用app都會喺今年6月正式發佈,記者試過暫時只需登記email,又唔使畀錢,可以試試。

網址:https://skinmotion.com/soundwave-tattoos/






コメント

今週熱門文章