【休閒遊戲】【《Clash Royale》首辦全球官方比賽 分分鐘變百萬富翁】


邊個話打機無前途?隨住電競比賽興趣,甚至乎連2022年亞運會加入電競項目,只要打機打得叻,前途同「錢」途都會有。以往電競項目多數係PC遊戲,間中都有家用機遊戲比賽,原來依家手機遊戲都可以登上大雅之堂,比賽獎金更超過100萬美元!邊款手機遊戲咁大手筆?就係世界各地都有好多玩家嘅《Clash Royale》(《部落衝突:皇室戰爭》)。開發《Clash Royale》嘅Supercell啱啱宣佈咗會舉行自家嘅全球性電競比賽「The Crown Championship」,全球玩家都可以透過地區春季賽事 (5月至7月) 同地區秋季賽事 (8月開始) 力爭出線到世界總決賽 (11月) 爭奪殊榮。見獎金咁吸引想即時報名參加比賽又得唔得?電競比賽參賽資格係需年滿16歲兼需擁有Level 8或以上嘅帳戶先能夠報名,但最重要係中國、韓國同日本嘅春季賽事喺未公佈大賽詳細資料前已提前展開。不過各位玩家又唔使灰心,今年冇機會唔代明年唔得,只要今年舉行成功,下年Supercell都好有機會再搞,用一年時間慢慢練都差唔多。



Comments