【北韓】【手機網絡差 民眾拒用北韓SIM卡】


北韓人民對手機嘅需求與日俱增,平壤政府積極想壟斷通訊市場圖利,近日規定手機店只能出售國營嘅「強盛網」SIM卡 (圖),但因通話質素差,唔少人寧願喺黑市畀十多倍價錢,購買採用外國技術嘅SIM卡。平安北道消息人士話,依家每張「強盛網」SIM卡售價10美元 (78港元),但因網絡技術落後,民眾喺農村或山區往往接收唔到訊號;相比之下,埃及奧斯康 (Orascom) 同北韓郵電省合作推出嘅「高麗聯接」SIM卡「去到邊都能通話,效果亦非常好」,即使索價110至140美元 (858港元至1,092港元) 亦大受歡迎。「強盛網」其他缺點包括雙向收取通話費,令人為咗慳錢而唔接朋友來電,而且「只要一分鐘過多咗一秒,就會收取兩分鐘費用」。消息人士批評當局以「自力更生」為由要求民眾用國產貨,反令「越嚟越多人心懷不滿」。



コメント

今週熱門文章