【攝影】【1分鐘學5招 善用道具扮攝影大師】

▲ 用上一支火柴就能做到「Film Burn」特效。

可能大家不時都會問：明明都係用同一部相機，點解人哋總係影得靚過我？當然構圖或設定都有得學，拍攝觸覺都有得培養，不過唔係一朝一夕就可以成功，但用下道具加入特別效果就絕對唔難，好似南非攝影師Sheldon Evans日前貼上好有趣嘅1分鐘攝影教學片，用咗5樣喺屋企好易搵得到嘅道具，就可以拍攝到好有大師風範嘅相片。呢5招分別係用咗白色背心膠袋扮柔光箱、用毛巾扮專業攝影滑軌、用網上相片做模型背景、用CD反光面製造Lens Flare特效同埋劃火柴扮「Film Burn」特效，可能大家睇完文字都唔知點樣可以做得到，但相信一睇完只長1分鐘嘅影片就會即刻學得識，要扮大師其實唔難！

▲ 識得用白色膠袋扮柔光箱其實好好用。