【創意設計】【高達機械大師設計 日本出馬沙專用單車】

▲《機動戰士Gundam》機械設計大師大河原邦男有參與設計。

高達Gundam產品長出長有長搵錢，記憶中高達作品都已經出過單車服，今次Bandai最新推出嘅係呢部馬沙專用單車「シャア專用本格ロードバイク」，我知大家又會諗起紅色3倍速，雖然應該就冇呢種效果，但35萬日圓買呢部單車，當然係有權去幻想下啦，你係消費者吖嘛。今次推出嘅單車會有兩個版本，首先係碳纖版本，重9.5 kg，售價35萬日圓，10月推出。另一款就係鋁製車架版本，重10 kg，賣15萬日圓，9月推出。不過除咗重量有分別之外，其他部件都唔同㗎，所以價錢先會相差咁遠。

▲ 車身有金屬自護標誌。



▲ 車身各部份也印著Zeonic。