【創意設計】【Sony鼓仔藍牙喇叭 膠帶掛手柄聽歌】

市場上藍牙喇叭選擇真係好多，如果想揀一款方便拎出戶外親親大自然用的話，Sony新出嘅EXTRA BASS SRS-XB10就確實幾唔錯。XB10機身設計好似一個迷你鼓，放喺平面上就可用機頂嘅喇叭360度發聲，而且機身都配備一條同色矽膠帶，掛喺單車手柄或者樹上都得。唔好睇少呢條矽膠帶，除咗掛喺物件上之外，仲可以用佢嚟疊喺橫放嘅XB10喇叭下方，擺喺唔同位置仲可調整喇叭發音角度，有需要時更可湊成一對變立體聲藍牙喇叭。XB10本身都有IPX5防水濺設計，拎埋去沙灘玩都得，機身更有7色設計，總有一款合你心水。