【創意設計】【智能髮夾助失聰人士 靠震動「聽」聲音】

遠睇以為係髮夾，但實情呢個係一款能夠幫助到有需要朋友嘅穿戴式裝置，大家又估唔估到底有乜作用？呢款穿戴式裝置其實係由Fujitsu開發嘅Ontenna，主要用途係能令失聰人士能夠感應到聲音，早喺舊年已經製成原型機，依家就開始正式投產，今年內就會推出。Ontenna同一般專為失聰人士或聽力有缺陷人士所設計嘅助聽器唔同，而係透過感應外間聲音嘅節奏同音量，再轉化成唔同程度嘅震動，總共可以表現出256級唔同震幅，失聰人士就可以靠感應頭髮嘅震動而「聽」到聲音。可能有人會問點解要靠頭髮去感應，用皮膚唔係更好？開發人員解釋用皮膚感應都得，但頭髮會係較佳位置去感應聲音。Ontenna會有兩個唔同型號，一款會內置藍牙用以連接手機應用程式，另一款就冇藍芽，價錢方面約100美元，對失聽人士都算係好消息。