【日本】【迪士尼證實建巨型龍貓主題公園 預計2020年初落成】


宮崎駿作品《龍貓》相信好多人都鐘意,但有冇諗過有一日可以親身攬下「龍貓」,到電影場景前「打卡」?2020年就有機會啦!除咗東京三鷹巿嘅「三鷹之森吉卜力美術館」外,龍貓勢力進一步擴大!愛知縣知事大村秀章日前同宮崎駿工作室達成初步協議,將愛知縣長久手巿嘅世博紀念公園,改建成吉卜力主題公園,佔地約200公頃,即有300個足球場咁大,預計2020年初落成。園內原本已有「草子次子的家」,即係《龍貓》兩個小主角嘅屋企,會再加上其他吉卜力動畫嘅場景,如《千與千尋》、《風之谷》、《天空之城》等,仲可能重現電影中嘅著名場景—龍貓森林同幽靈公主森林!主題公園初步計劃有「龍貓的故鄉」園區,然後再逐步擴充。進入園區須付入場費,但金額未定。而宮崎駿合作夥伴兼吉卜力監製鈴木敏夫就承諾,改建時會避免砍伐樹木,減低對周遭嘅自然環境造成破壞。



Comments