【創意設計】【全球最大4K電視 開價有幾誇?】


大家屋企應該都係用緊40吋至50吋平面電視,60吋至70吋型號已算大尺寸,當然市場上都有100吋左右嘅電視出售,唔好講價錢近百萬一般人買唔起,擺位都係好大問題。原來100吋電視其實都唔算大,剛剛C Seed推出咗一部全球最大4K闊屏幕電視C Seed 262,睇名都估到屏幕尺寸達262吋,未計電視邊框,屏幕闊度6.144米,高度2.574米高過姚明,重量更達798kg,認真誇張!不過大家未聽過C Seed都好正常,因為呢間公司向來都係推出高價影音產品,目標客群並非一般消費者,所以出新機可以唔理市場接受能力,去到好盡。C Seed 262機身大得太誇張,唔係住獨立屋的話基本上擺唔落,而且價錢都係富豪級數,淨機都要539,000美元 (約$4,204,000),若要安裝的話仲要畀多38,500美元 (約$300,000),加埋條數雖然買唔到獨立屋,但應該都買到一個小單位。



コメント