【美國】【全球最巨型飛機面世 可發射衞星】


微軟創辦人之一Paul Allen研發嘅全球最巨型飛機前日首度亮相,將用嚟發射搭載衞星嘅火箭。呢架巨無霸定翼機名為「Stratolaunch」,啱啱喺美國加州莫哈韋航空太空港機庫外接受入油測試。佢擁有雙機身設計,配備六個波音747引擎同28個機輪,翼展長達117米,打破水上飛機「H-4大力神」嘅最大翼展世界紀錄,但機身僅長73米,仍不敵安托諾夫225運輸機嘅84米。全機高15米、淨重227公噸,淨載重量達250公噸。Stratolaunch系統公司行政總裁弗洛伊德形容,Stratolaunch係「前所未見嘅飛機」,最快可以喺2019年進行火箭發射示範,短期內會專注地面同航線測試。Stratolaunch正式操作時會先飛至同民航機相若嘅高度,再進行發射,等衞星進入預定軌道後再降落地面。























Comments