【日本】【大阪環球影城 任天堂園區有得睇】

去年底大阪環球影城Universal Studio Japan公佈咗會喺2020年東京奧運前建成新主題園區「Super Nintendo World」，當中提到會興建從未見過嘅乘坐式遊樂設施、互動型園區、商店同餐廳嘅兩層構造巨大複合型園區，但實際嘅設計會係點呢？官方就啱啱發佈咗一條新宣傳片，介紹下「Super Nintendo World」主題園區嘅設計，雖然明知CG影片同真實設計會有距離，但可以睇到主題園區面積都幾大，而且《Super Mario Bros.》遊戲系列常見嘅水管、城堡等設計都會出現喺園區之內，不過似乎就冇得玩真人版Mario Kart。