【創意設計】【瑞典自動化電動車 內櫳任變減少塞車】

依家啲私家車有9成時間都係停泊喺路邊或停車場，如果有方便又客製化嘅共享交通工具，不但可以解決車位不足嘅問題，更加可以減輕路面流量負荷。由瑞典Saab易名為NEVS，廠方啱啱喺CES Asia公開咗新InMotion概念車。全電動，而且自動駕駛系統去到Level 5，即全自動駕駛，擁有大玻璃窗同隱藏式車呔，片中亦介紹番車廂座椅可以因應乘客需要而用app轉位，分別有private、social、meeting嘅排位。同時乘客亦可以調校燈光同溫度，享受最舒適嘅乘車環境。