【美國】【紐約建全球最長U形摩天大廈】


過去世界各國為咗展現建築能力,不斷咁起高樓大廈,比拼總高度。近排有建築設計公司《Oiio》公佈咗倒U型大廈嘅設計圖,打算係曼哈頓起呢座驚人嘅摩天大廈,成為當地著名嘅新地標。


呢棟倒U型嘅摩天大廈,全長1200公尺橫跨曼哈頓天際線,被命名為「The Big Bend (大彎曲)」,一旦成功起到,將會係全球最長大廈。只不過喺建造過程中,呢棟大廈將面臨最大嘅挑戰:電梯,不過呢項疑慮到最後獲得良好嘅解決方案。


據報導指出,設計團隊之所以會做出拱形嘅設計,全係因為為咗擴大建築嘅使用空間,令寸金尺土嘅地段能得到有效開發。而摩天大廈落座嘅地點亦正好喺第57大街「億萬富豪區」,所以該區嘅大廈總係起得又高又細。


由於The Big Bend建築造型獨特,所以喺設計期間曾出現電梯運作嘅問題,不過後嚟呢啲疑慮全都順利解決咗,喺大廈落成後,除咗設計出直上直下嘅電梯,同時亦會喺彎拱處打造出水平式移動的電梯。


另外該區嘅建築物歷年來都係比拼高度,所以Oiio設計團隊才會另闢途徑,將以往用嚟宣傳嘅高度轉換為長度,畢竟摩天大廈嘅高度經常更換,不過長度卻唔一定,有望成為全球最長嘅大廈。


佢呢個設計一旦建成,足以與各國嘅最高大廈比擬,有杜拜哈里發塔、上海中心大廈、麥加皇家鐘塔飯店、世界貿易中心一號大樓等。




コメント