【日本】【最新超級豪華臥鋪「四季島號」火車】

有去過日本嘅朋友，都一定會對佢哋有效率而且設備舒適嘅火車留下深刻印象，不過一向精益求精嘅日本人又點會只係滿足於子彈火車呢？最近東日本鐵路公司就宣佈咗一個最新火車大計，就係邀請曾經擔任保時捷公司高級設計師，負責設計過法拉利Enzo同瑪莎拉蒂Quattroporte等眾多名車嘅設計師為佢哋設計「四季島號」火車。

Shiki-Shima獨家火車套房啱啱喺5月推出，火車嘅十個車廂包括17間客房、共用休息室、3間私人套房、酒吧同兩個觀景台車廂，觀景台車廂有落地玻璃窗，等客人可以欣賞沿途風光。而喺高級餐廳，就有頂級廚師團隊將根據日本東部季節性食材製作菜單，供應早餐，午餐同晚餐，仲有法國美食同糕點。

至於17間客房每間可容納兩名乘客。每間寬敞套房都設有一張床，儲物空間，淋浴間同廁所，入住shiki-shima套房嘅客人仲有兩層樓嘅空間。Shiki-Shima行車路線係喺日本東部，每次可容納34名乘客，佢有1至3日嘅行程，包含遊覽該區嘅獨特文化，手工藝同美食。咁奢華嘅享受緊係價值不斐啦，兩天一夜行程最平費用兩人一房320,000円，成兩萬幾港元。