【創意設計】【世界上最大嘅私人飛機】

中國金鹿航空將一架價值2.3億英鎊、能載240至335名乘客嘅波音787客機，改裝成一架只載30人嘅私人飛機，並提供包機服務。此機亦係全球最大嘅私人飛機，被封為「VVIP」。

如果要享受全球最大私人飛機嘅服務，乘客唔能夠單購一個坐位，而係需要包下整架飛機，每小時索價2萬英鎊 (折合港幣約17萬元)。如果乘此機由倫敦飛往紐約，便需付16萬英鎊 (折合港幣約136萬元)。此航機單次最長可飛17.5小時、飛行超過9,800英里。

如此昂貴嘅旅程，飛機有咩特色、乘容又可享受啲乜服務？金鹿航空指，豪華航機嘅目標係「將旅程變成藝術」(Making travel an art)，請嚟法國Pierrejean Design Studios設計機艙，並由美國Greenpoint Technologies組裝機內設備。飛行時，30名乘客可共享機上2,400呎嘅空間。飛機觀景窗比一般飛機大，乘客可更易觀賞窗外景色。

機上設有大休息室畀乘客開派對或開會，亦有18張頭等艙嘅躺臥坐椅。機上亦設有浴室，舖上雲石同橡木，並使用名牌Jo Malone嘅洗手液同香水。另外，機組人員亦有另一員工專用空間，唔會打擾客人私隱。