【RTHK】【香港故事 - 民間,集氣!:集力聯盟】


集氣一詞,出自日本經典漫畫《龍珠》。故事主角孫悟空嘅絕招「元氣彈」,施展時需要將手舉起,匯集眾人嘅氣(能量)至手中;此詞後嚟引申成為其他人加油、打氣之意。

近年香港經歷種種挑戰,社會撕裂嚴重,人心氣餒;當出路看似無期嘅當兒,原來唔少人選擇喺社會各層面用自己嘅方式默默細作,為呢個城市收集改變嘅力量。且看我哋收集返嚟嘅十個集氣故事,點樣一一連結起嚟,打開人心,亦為人心打氣。


五個年輕人Himphen, Nelson, Amy, Catherine同Camelie集合佢哋嘅力量,成就咗Collaction呢個群眾外包嘅平台。喺Collaction你可以搵到唔少夢想,你甚至可以令夢想成真。為咗令Collaction得到更多關注,五個年輕人自創咗唔少項目,包括Timber, Snappy等計劃,希望大家可以用自己嘅方式參與更多社區事務。雖然唔係每個項目都能一帆風順,但Collaction五位成員都會堅持做落去。佢哋都堅信每一個人都有自己嘅力量,可以參與更多社會事務,令自己嘅社區變得更好。

▼ 集力聯盟



Comments