【RTHK】【減肥】

跟據世界衛生組織喺2014年發表嘅報告，全球有39%成年人係屬於過重，超過5億人口屬於痴肥級別。營養師潘德翹指出，體重指數達到23或上，就屬於過重。另外若果男仕腰臀比例大過0.9及女仕腰臀比例大過0.8，就會界定為蘋果型肥胖，即代表內臟脂肪積聚比較多。唔同研究都顯示，肥胖人仕患上心血管疾病、糖尿病、脂肪肝等慢性病嘅風險都較一般人高。

中醫認為肥胖係因為脾同腎虛，而且身體入面積聚過多垃圾。香港浸會大學中醫藥學院研究助理教授鍾麗丹講解針灸點樣幫助調節身體，降低食慾同埋加快脂肪代謝嘅速度，控制體重。

【健康解碼】
跑步同踩單車會導致腳粗？做運動時，汗流得愈多就愈有效果？何偉強講師會同大家解釋當中誤解。

【健康小貼士】
鍾麗丹醫師會推介簡單湯水幫助改善消化功能，去濕健脾，加快脂肪分解。

▼ 減肥