盧銀娟 (娟姐) 今年八十三歲，自小跟隨媽媽喺中環嘅十字路口賣生果，一做就做咗小販七十年。娟姐嘅一生同呢個生果檔結下不解緣，自小冇返學機會，只好喺擺檔期間學認字寫字學計數；靠做小販養大一家，亦喺呢度結識丈夫周伯。周伯本來做燒臘，後嚟同娟姐一同看檔。然而，近幾年伯伯確診患上腦退化症，記性開始轉差，曾出外閒逛時走失咗，幸得生果檔熟客幫忙搵番佢。眼見伯伯嘅健康日差，娟姐獨自一人難以應付日常運作，佢個仔幫忙開檔，而伯伯則坐喺一旁見見街坊。娟姐希望繼續做落去，讓老伴可喺開檔時留喺生果檔方便照顧，以免再走失。娟姐較性急，對客人有禮貌。別人眼中較卑微嘅小販，娟姐卻不以為然，反以自力更生為榮。然而，她持有嘅係流動小販牌照，每日開檔都要朝桁晚拆，佢期盼可轉為固定牌照，減少搬抬，繼續自力更生嘅生活。
▼ 賣生果的人
Comments
Post a Comment