【法國】【美術館大師傑作,有一半都係假嘢】


好多人去美術館、藝術館就係要專誠去睇真跡,欣賞當中無可媲美嘅大師傑作。不過最近法國南部Elne市,就有一間專門展出法國名畫家Etienne Terrus著作嘅美術館,已經擁有20幾年歷史,直至近日先被人踢爆有一半作品都係假嘅!Elne喺Terrus嘅出生地,因此一直以嚟都冇人質疑美術館入面嘅作品並非真跡,直至幾個月之前,一位藝術歷史學者Eric Forcada到訪後有所懷疑,然後致電畀美術館提出疑問,美術館隨即搵專人去鑑定,然後先發現當中有82件展品都係仿製品,甚至有唔少喺Terrus死後先至出現嘅冒牌貨!美術館本身都係受害者,並非存心欺騙,因為佢哋當年就用咗高達16萬歐元買呢一堆冒牌貨返嚟。美術館館長事後出嚟道歉,並表示今次係一場災難呢。



Terrus為法國野獸派畫家代表人物之一。



Terrus喺Elne生於1857年,喺1922年過世。



Comments