【創意設計】【將奢侈品帶到新嘅深度，豪華私人潛水艇Neyk】

Neyk係一艘60英尺長嘅潛水艇，最多可搭載20名乘客，並能下潛至1,640英尺深嘅海底。內部有豪華休息區、酒吧、圖書館同設備齊全嘅廚房。潛水艇嘅頭部份係駕駛室，有大型玻璃窗可以270度觀看海底嘅景觀，並運用一個控制杆嚟操控潛水艇。佢嘅製造商表示，呢艘時尚潛水艇 "好似鯊魚咁靈活敏捷"，使用無噪音引擎設計，有多款大小型號，燈光同空調系統都可根據每個買家嘅特定需求而進行訂造設計。Neyk潛水艇係由製造商Ocean Submarine聯同勞斯萊斯 (Rolls-Royce) 嘅合作項目，依家已喺荷蘭投入量產，喺2018年1月推出首款潛水艇。