【RTHK】【我的家庭醫生3:再一次求婚】


家庭醫學概念係以病人家庭為本位出發,讓醫生同病人建立互動而持續嘅關係。同時,家庭醫生需要關顧病人「身、心、社」嘅人文觀點,亦會貫串各個討論環節,讓社會人士看到健康,係要包括身體同精神各方面。除咗要培養正面嘅人生觀同生活習慣外,良好嘅家庭關係同社會關懷,亦有助促進健康同預防疾病。至於稱職嘅家庭醫生,係需要給予病人最全面嘅診治。要了解病人心思,明白家庭影響、懂得利用社會支援,才能更有效治理同預防疾病;病人方面亦要加以配合,才能顯出佢嘅效益。

黃永義(陳健朗飾)與好友(泥鯭飾)合演一場打刧鬧劇,目的係向女友Meg(廖子妤飾)求婚,Meg喺驚心動魄之中嚐到甜蜜嘅滋味,卻面對內心嘅隱憂,一個纏繞不退嘅病-疱疹二型。Meg向吳醫生(朱慧敏飾)求診,一別多時,如今雖然冇病發,但吳醫生都忠告佢,有朝一日抵抗力弱嘅時侯都有可能復發,勸佢好好同阿義解釋。另一邊廂,城中有名嘅風水師陳師傅(麥包飾)都係吳醫生嘅病人,因對花生敏感經常嚟求診,佢不時主動指點迷津,又送上風水擺設,為咗奪得吳醫生嘅芳心。結婚在即,阿義已做好身體檢查,準備做個好好先生,佢越係殷勤,Meg越係內疚。Meg嘅好友Belle(陳海寧飾)力勸她千萬唔好剖白,食藥痊癒就可以抹去一切,事實豈會如此簡單?壓力令到Meg嘅病真係復發,佢最後選擇坦白,阿義悖然大怒,Meg放棄咗呢段感情。阿義亦因為擔心受感染而去搵吳醫生檢查。冷靜過後,阿義感受到唔能夠冇咗Meg,邀約她一齊去聽佢嘅驗身報告。碰巧陳師傅想要插隊睇醫生,因為佢要喺吉時內放個音樂盒喺吳醫生房內趨旺桃花,好讓佢求愛得逞。幾經擾攘,阿義答應幫佢完成任務,原來佢都心生妙計。究竟陳師傅能否得逞?阿義同Meg又會否和好如初?阿義嘅報告結果係點呢?

▼ 再一次求婚



Comments