【RTHK】【卓越教室2018:點只計數咁簡單】


節目會介紹8組分別於喺2015及2016年度獲行政長官卓越教學奬嘅老師。本節目以紀錄片形式進行,並走進校園,透視老師團隊點樣優化教學策略嚟配合課改。隨住社會嘅發展步伐,老師們積極以新思維並配合新技術嚟實踐其教學理念;從而達至教學相長嘅目標,同提升學生嘅學習興趣同能力。

獎項:行政長官卓越教學獎(數學教育)
學校:港大同學會小學
得獎老師:宋寶華老師、鍾劍峯老師

上數學課除咗背公式、操練運算外,亦可以配合遊戲進行,過程中同樣可以引發熱烈嘅討論。宋老師同鍾老師挑選咗一班數學能力較高嘅同學參與無需考核嘅「增潤課程」,將日常生活嘅問題設計成數學遊戲、解難任務同專題研習;挑戰同學腦袋,並刺激思考,令佢哋明白數學唔只係計算正確答案。

至於增潤課程,竟然包括交通問題專題研習同降落裝置實驗。兩位老師鼓勵同學發問,自行搵出問題,分工合作尋求解決方法,最後歸納報告成果。研習過程中不知不覺融會貫通所學嘅數學概念之餘,更能發揮同學們無限創意同訓練表達。

儘管並非每位同學都醉心數學,但經歷三年饒富趣味嘅「增潤課程」,面對難題時同學們都會自動進入自我解難模式,積極學習。宋老師同鍾老師嘅期望讓有能力嘅學生喺數學科閃耀,啓發佢哋成為好學、愛思考、有創意嘅學生。

▼ 點只計數咁簡單



Comments