好多人都以快樂為人生目標，但現代人卻似愈嚟愈難「快樂」。雖然唔使為基本物質生活而憂慮，卻時常感到苦悶同不安，時常感到空虛、寂寞、煩躁、緊張、憂慮，呢類情緒可能源自一啲「心靈疾病」。
新一輯《快樂從心開始》節目，將以人生唔同階段嘅煩惱為主題，生理構造同社會環境同心理健康有好大關係，節目希望觀眾多了解自己同別人嘅情緒問題，可以做到快樂從心開始。
職場新手可說係一張白紙，初出茅廬，想法稚嫩在所難免。況且職場又有別於學校嘅環境，年輕人一方面希望表現自己，另一方面則要適應新環境，而且需要處理嘅人際關係亦更為複雜，好容易出現常見喺成人初顯期嘅煩躁同焦慮。有時候，佢哋自我期許過高，一旦待遇唔符合期望，便容易出現情緒問題，陷入青年危機同就業困境。
職場新人袁滿事事追求完美卻又害怕犯錯，見菁膽小又不擅表達感受，而幼儀則渴望獲得認同同關注，佢哋面對嘅困境，相信好容易引起職場新人嘅共鳴。佢哋經驗尚淺，未如資深員工咁長袖善舞、知所進退，所以每當工作上遇到挫折、爭執、公私界線模糊，佢哋嘅情緒同神經便會受到牽動，因而不知所措。
其實，每個初入職場嘅年輕人，總會帶住多少困惑同抱怨，擔心工作表現同人際關係實屬人之常情，而且受挫本來就係年輕人嘅必經階段。人類與生俱來便會對潛在嘅威脅感到焦慮同擔憂，呢個亦係生存嘅必要本能，因為適當嘅焦慮可推動人進步。如果唔想錯過塑造自己嘅黃金時期，佢哋就要學會「調節」焦慮，並同擔憂「共存」，唔好墮入認知謬誤嘅陷阱。係一張白紙又如何？年輕嘅本意就係「錯得起」，唔放棄探索任何一種可能，即使佢哋目前係一片空白，見識不足，佢哋嘅未來卻擁有無限可能。
新一輯《快樂從心開始》節目，將以人生唔同階段嘅煩惱為主題，生理構造同社會環境同心理健康有好大關係，節目希望觀眾多了解自己同別人嘅情緒問題，可以做到快樂從心開始。
職場新手可說係一張白紙，初出茅廬，想法稚嫩在所難免。況且職場又有別於學校嘅環境，年輕人一方面希望表現自己，另一方面則要適應新環境，而且需要處理嘅人際關係亦更為複雜，好容易出現常見喺成人初顯期嘅煩躁同焦慮。有時候，佢哋自我期許過高，一旦待遇唔符合期望，便容易出現情緒問題，陷入青年危機同就業困境。
職場新人袁滿事事追求完美卻又害怕犯錯，見菁膽小又不擅表達感受，而幼儀則渴望獲得認同同關注，佢哋面對嘅困境，相信好容易引起職場新人嘅共鳴。佢哋經驗尚淺，未如資深員工咁長袖善舞、知所進退，所以每當工作上遇到挫折、爭執、公私界線模糊，佢哋嘅情緒同神經便會受到牽動，因而不知所措。
其實，每個初入職場嘅年輕人，總會帶住多少困惑同抱怨，擔心工作表現同人際關係實屬人之常情，而且受挫本來就係年輕人嘅必經階段。人類與生俱來便會對潛在嘅威脅感到焦慮同擔憂，呢個亦係生存嘅必要本能，因為適當嘅焦慮可推動人進步。如果唔想錯過塑造自己嘅黃金時期，佢哋就要學會「調節」焦慮，並同擔憂「共存」，唔好墮入認知謬誤嘅陷阱。係一張白紙又如何？年輕嘅本意就係「錯得起」，唔放棄探索任何一種可能，即使佢哋目前係一片空白，見識不足，佢哋嘅未來卻擁有無限可能。
▼ 職場Ｐ牌仔
Comments
Post a Comment