【RTHK】【香港故事 - 追尋人生:霓虹黯色】


人生由不斷嘅追尋編織而成。有人喺事業以外發展另一段平行人生,佢哋嘅目標唔在於金錢或成就,但同樣咁認真、執著,緊扣住社會嘅脈搏。追尋係一份由心底翻騰而出嘅動力,牽引我哋尋找人生意義。從十個追尋嘅故事,啓發我哋人生嘅可能。

香港夜景璀燦,曾吸引世界各地遊客慕名而來。近年因屋宇署取締違規霓虹招牌,使市區嘅招牌減少八成,令夜色黯淡無光。理大設計系講師郭斯恆喺旺角長大,從小接觸街道、觀察街道,透過「搶救式」嘅記錄同資料整理,佢希望將呢片香港獨特嘅人文風景留住。

霓虹燈係一種非常考究嘅工藝。師傅至少要經過三至五年嘅學習先能將玻璃管按設計任意屈曲。香港過往唔少招牌皆係匠心獨運嘅優秀工藝品,如今已紛紛被拆下,送往堆填區。霓虹招牌除咗係街坊嘅地標以外,仲記載住香港昔日經濟起飛、車水馬龍年代嘅痕跡,同六、七十年代至今嘅美術設計風格。面對住呢啲要被歷史巨輪輾碎嘅文物,郭斯恆同佢志同道合嘅夥伴苦無地方安置,只能盡力「救得一個得一個」。

▼ 霓虹黯色



Comments