【RTHK】【健康有營親子食譜】


每集除咗會緊貼時代步伐,四出搜羅城市熱話,追蹤社會所見所聞之外,更會邀請飲食嘉賓分享,揀選食材教路、探討異國飲食文化、養生之道等,齊齊談談食、說說味,踏上健康美食之旅!

《原來係咁》

歐洲國家盃上星期開鑼,唔少球迷都會捱更抵夜睇足球賽,但長期捱夜既傷身又傷神。捱夜過後又有乜方法可以快速醒腦提神?我哋將從中、西醫角度拆解!

《創科在望》

你對未來嘅想像係點?有編程公司聯同幾位10多歲嘅小朋友,一齊將未來嘅想像投射到一杯杯飲品上。佢哋透過收集同分析大數據,預視未來世界嘅景象,再製作出12杯「未來飲品」。你嘅未來係咩味道?

《財經向前看》

悠閒兼有質素嘅退休生活係唔少上班一族嘅夢想,不過退休生活有機會長達20年以上,要夢想成真,就必須及早籌謀,儲備足夠嘅退休本錢。到底點樣計算多少退休儲備先足夠?財務上點樣安排先可達成目標?

《家嚐便飯》

矜貴嘅法國白蘆筍當造季節係每年嘅四月至六月。正所謂不時不食,今集Chef Eddy會以經典烹調方法去炮製白蘆筍,軟滑嘅白蘆筍配上荷蘭汁同風乾火腿,食起嚟滋味無窮。

《講乜港乜》

父母同子女一齊下廚不但能夠感受煮食嘅樂趣,促進親子關係,仲能訓練子女嘅耐性。註冊營養師盧庭威Kurtus同陸蕙華Denise今集會同大家分享親子食譜,讓父母同子女一齊發揮想像力、動手設計同烹調有趣造型嘅早、午、晚餐,從小培養子女健康有營嘅飲食習慣。

▼ 健康有營親子食譜



Comments