墨西哥猶加敦半島上嘅奇琴伊察係目前規模最大嘅瑪雅遺址，佢嘅金字塔唔只係被列入世遺，仲喺 2012 年被全球公投選為新七大奇蹟之一。
奇琴伊察 (Chichen Itza) 喺墨西哥猶加敦半島 (Yucatán Peninsula) 北端平原上嘅叢林裡面，距離旅遊城市坎恩 (Cancun) 約 200 公里，車程至少兩粒鐘。當地每日都有 day tour。
奇琴伊察係瑪雅語意為「伊察人嘅井口」，佢個名已解釋咗喺呢度建城嘅因由。水源從來係古文明發展嘅先決條件嚟。猶加敦半島中部雖然一片茂密叢林咁，幾乎唔見有乜河流，原來係地質結構作怪，地表嘅石灰岩受雨水浸蝕咗造成好多地下溶洞，雨水滲入、積聚，變成地下河流同溶井 (cenote)，而奇琴伊察就係正正喺三個溶井之間，為城市提供咗穩定嘅水源。
跟埃及金字塔唔同，用石塊興建嘅瑪雅金字塔有啲似城堡，唔係帝王嘅陵墓，而係供奉羽蛇神嘅聖殿嚟。金字塔分九層，四面都有階梯，各九十一級，依照瑪雅人所相信嘅太陽每九十一天一個周期呢個觀念設計，連同塔頂聖殿，全個金字塔合共三百六十五級，代表一年三百六十五日。
「以為金字塔已係奇琴伊察嘅全部？Far from it！到目前為止經過172年嘅考古工作，其實只發掘咗遺址嘅約百分之八。」導遊提醒，金字塔只係奇琴伊察遺址嘅中心，圍繞周邊仲有供奉戰士嘅神殿同戰士競技用嘅蹴球場，兜去金字塔後方，仲有幾排排列整齊嘅千柱陣。
喺奇琴伊察附近仍然有兩個溶井喺度，Ik Kil 係其中一個，聽講以前係帝王沐浴同祭祀之地。喺地面就咁睇，溶井似個巨坑，直徑約六十米，周邊長滿植物，有啲藤蔓懸掛喺空中。伸個頭去望下，二十六米腳下係一潭碧綠見唔到底嘅水同游緊水嘅遊客。溶井開放畀遊客任意參觀，跟住啲階梯行落去可直達潭面，抬頭望返上去仲有更壯觀嘅風景。溶井水深超過四十米，係個渾然天成嘅跳水池，Red Bull 曾經喺呢度舉辦 Cliff Diving 比賽，平日亦有遊客輪流跳水嘅地方。
奇琴伊察 (Chichen Itza) 喺墨西哥猶加敦半島 (Yucatán Peninsula) 北端平原上嘅叢林裡面，距離旅遊城市坎恩 (Cancun) 約 200 公里，車程至少兩粒鐘。當地每日都有 day tour。
奇琴伊察係瑪雅語意為「伊察人嘅井口」，佢個名已解釋咗喺呢度建城嘅因由。水源從來係古文明發展嘅先決條件嚟。猶加敦半島中部雖然一片茂密叢林咁，幾乎唔見有乜河流，原來係地質結構作怪，地表嘅石灰岩受雨水浸蝕咗造成好多地下溶洞，雨水滲入、積聚，變成地下河流同溶井 (cenote)，而奇琴伊察就係正正喺三個溶井之間，為城市提供咗穩定嘅水源。
跟埃及金字塔唔同，用石塊興建嘅瑪雅金字塔有啲似城堡，唔係帝王嘅陵墓，而係供奉羽蛇神嘅聖殿嚟。金字塔分九層，四面都有階梯，各九十一級，依照瑪雅人所相信嘅太陽每九十一天一個周期呢個觀念設計，連同塔頂聖殿，全個金字塔合共三百六十五級，代表一年三百六十五日。
「以為金字塔已係奇琴伊察嘅全部？Far from it！到目前為止經過172年嘅考古工作，其實只發掘咗遺址嘅約百分之八。」導遊提醒，金字塔只係奇琴伊察遺址嘅中心，圍繞周邊仲有供奉戰士嘅神殿同戰士競技用嘅蹴球場，兜去金字塔後方，仲有幾排排列整齊嘅千柱陣。
喺奇琴伊察附近仍然有兩個溶井喺度，Ik Kil 係其中一個，聽講以前係帝王沐浴同祭祀之地。喺地面就咁睇，溶井似個巨坑，直徑約六十米，周邊長滿植物，有啲藤蔓懸掛喺空中。伸個頭去望下，二十六米腳下係一潭碧綠見唔到底嘅水同游緊水嘅遊客。溶井開放畀遊客任意參觀，跟住啲階梯行落去可直達潭面，抬頭望返上去仲有更壯觀嘅風景。溶井水深超過四十米，係個渾然天成嘅跳水池，Red Bull 曾經喺呢度舉辦 Cliff Diving 比賽，平日亦有遊客輪流跳水嘅地方。
Comments
Post a Comment