【哥倫比亞】【隱世彩虹河 五色河流仙景】

世上絕景無奇不有，哥倫比亞首都波哥大市郊有條「彩虹河」(Cano Cristales)，可以話係呢個南美國度嘅仙景，河裡獨有嘅鮮紅水藻，配合埋河邊嘅植物同水色，組成好靚嘅風景畫。Cano Cristales 仲有另一個名叫「五色河流」 (River of Five Colors) ，每年7至11月，河床可見黃、綠、藍同黑等色彩，尤其以紅色最突出。彩虹河紅色特別搶眼，源於河床嗰啲水藻 Macarenia clavigera，並因生長進度唔同而變成唔同嘅色彩，「終極」色彩係紅色。彩虹河全長100公里，最佳到訪時間為7月底至12月初，由依家開始儲錢，下半年去哥倫比亞不是夢！前往彩虹河有兩種方法，從哥倫比亞首都波哥大 (Bogota) 或中部比亞維森西奧位 (Villavicencio) 轉機，前往梅塔省嘅 Villavicencio。遊客必須跟 local tour 才能到訪彩虹河，而且人數有嚴格限制，每團必須少於7人，每天限定200人到訪。為保護彩虹河水質同生態，遊客只可喺指定地方游水，並禁用防曬同防蟲用品。