【墨西哥】【400年歷史水底教堂 近日浮出水面】

今年墨西哥南部恰帕斯州河流因為嚴重乾旱，水位下降，但最令人驚奇嘅係一座早被淹没河底嘅大教堂竟然因此重見天日，出現喺水面之上，吸引唔少人前往參觀。教堂被稱為聖地牙哥神殿，已經有400百多年嘅歷史，教堂圍牆高9米、鐘塔部份高15米，喺殖民時期由僧侶們興建，一直去到大約1773年發生大規模疫病時教堂先被荒廢。喺1966年時，教堂就被河水淹没，諗唔到今日竟然因為乾旱而令到呢個古蹟能夠重見天日，唔知幾時呢座教堂又會消失呢？一切都係聽從大自然嘅旨意啦。不過如果大家想去睇下就該要快喇！