碳排放問題各國都正在面對，要睇到一片藍天的確要有所取捨，北歐嘅挪威日前就宣布壯士斷臂，表明喺2019年開始首都奧斯陸嘅中心區域將全面禁止私家車行駛，成為地球上第一個禁私家車嘅首都。奧斯陸面積有2個香港般大小，人口只有60萬，而住市中心區域嘅只有1千人，私家車比例，大都為外地遊客嘅租車為主，所以有見多車令交通擠塞，又加上污染問題，故有此大刀闊斧嘅決定。禁車之後，區內交通除咗可以依賴公共交通工具如電車、巴士之外，政府好鼓勵人民用單車，市內嘅單車配套亦可以說係一等一照顧單車使用人士，而且為咗禁車令，政府仲承諾咗會再興建多60公里長嘅單車徑呢。據估計，禁私家車嘅5年內，就可以將碳排放減少50%！
Comments
Post a Comment