【波蘭】【超現實童話扭扭屋】

香港建築物一味夠高，幢幢差唔多，完全談不上創新。波蘭就有一棟扭曲、走曬位、完全唔跟常理建築物，直頭好似喺愛麗斯夢遊仙境先會出現嘅建築。呢棟建築名為 Krzywy Domek，建於2004年，係索波特市購物中心嘅附屬大樓，佔地4,000平方米，而佢獨特嘅外形就係取材自波蘭著名插畫家 Jan Marcin Szancer，扭曲嘅外形同大膽嘅色彩配搭就好似走入愛麗絲嘅夢境一樣，非常超現實。雖然昂貴建造費曾引起唔少爭議，但建造後嘅正面效果已經遠遠超越咗當初嘅非議，而 Krzywy Domek 亦自然成為咗當地嘅一個地標。