【建築設計】【伊拉克挑機‭ 世界最高摩天大廈】

巨型摩天大樓位於伊拉克嘅巴士拉，
由四個大樓組成，最高樓241樓達1152公尺高。

目前全世界最高嘅建築就係杜拜嘅哈里發塔，不過相信呢個紀錄好快就要改寫，因為伊拉克最近就有消息流出，將會喺巴士拉省興建名為 The Bride (新娘) 嘅建築計劃，而為咗盡量利用每一吋空間，呢個計劃唔似傳統城市咁水平發展，而係向上，所以係組城嘅四幢大樓之中，最高嘅有241樓，足1,152米咁高，比目前嘅哈里發塔高324米。整個計劃仲包括寫字樓、酒店、商業中心、公園、學校、醫療、鐵路網等，設備一應俱全，除咗可持續發展嘅元素之外，亦都屬於社會大眾。雖然佢目前都只係一個計劃，但今次同石油國比拼，暫時攞咗個彩先。

The Bride 甚至比正在興建中嘅國王塔再高152米。
若果落成，就好有機會成為世界最高啦。



建築師們希望以「垂直城市」嘅設計嚟達到保護環境嘅可能性。