【創意設計】【德國黑森林樹屋 Robin's Nest Treehouse Hotels】

旅人對樹屋有種情意結，好似早前嘅美國哈比人樹屋、英國樹屋工作間等，今次呢間就真係喺正森林入面。Robin's Nest 酒店位於德國黑森林內，七間房係由主人 Peter Becker 同團隊花咗六個月打造，無論外觀定係一枱一椅都由天然樹木建造而成，每間都獨一無二，房價€150起，大約港幣$1,280。靚仔主人 Peter Becker 住喺柏林七年，亦係一位酒吧老闆，熱愛旅遊嘅佢，常以大自然為家，故開設一間與大自然融為一體嘅酒店，佢會親自製作早及晚餐，客人仲可以喺森林中嚟個 campfire，點都比一般酒店有特色！