【建築設計】【荷蘭草皮下的博物館】

最近位於荷蘭西面 Dordrecht 市有一間名為 Biesbosch 嘅民族及文化博物館，經過八個月嘅擴建同翻新，近10,000平方呎嘅新館同原來嘅舊館都完全被草同香草覆蓋，而建築師特登喺屋頂加咗條路，訪客可以行上呢個綠色嘅小山坡，欣賞呢一大片綠油油嘅景致。去參觀時記得唔好掛住留喺室內，因為戶外都相當精彩，例如可以參加船上導賞團，睇睇博物館點樣同大自然融合、賞鳥，好彩嘅話仲會見到河貍添。

Dordrecht 係個沿海城市，而民族及文化博物館 Biesbosch 亦相當接近海口。



被草蓋住嘅博物館，由呢個角度睇就好似金字塔一樣。



沿住呢條通道，就可以一覽綠油油「山丘」，好型。