【香港】【麥當勞首間概念店 推自選沙律既送餐又可叉電】

時代真係唔同啦，麥當勞都不斷進步，繼東京六本木首間提供 Full Course 嘅 Restaurant M，金鐘海富中心分店正式變身成全球首間「McDonald’s Next」概念店。餐廳集主餐廳、Create Your Taste (CYT) 及 McCafé 於一身，採用開放式設計，採用大量玻璃，透明感十足，除咗每晚6時後為客人送餐外，設備亦電子化，好似全新自助點餐機、自助水機，超過四分一座位均設有免費無線充電服務，讓顧客隨時為手提裝置叉電，亦設附有教學影片嘅自動洗手機等。

「McDonald’s Next」
地址：金鐘夏愨道 18 號海富中心地下 1-41 號舖 A 部份

新店設備電子化，設自助點餐機，當然亦有傳統嘅點餐櫃台。



扮外國Café，超過四分一座位均設有免費無線叉電服務。



就連洗手都要自動化，我反而想試試點自動法？！

食物方面，則延續七月推出嘅 CYT 自選漢堡，首推 CYT 沙律，共有19款食材選擇，包括2款沙律菜底、2款芝士、3款醬汁同多款滋味配料，顧客亦可選擇配搭香烤雞腿、碎蛋小龍蝦同藜麥 Cous Cous 等；亦推出雜莓新地窩夫、McCafé 採用店內限定嘅特選咖啡豆- McCafé Premium House Blend ，同埋首次喺 McCafé 售賣包裝咖啡豆，以後搵個陪你食麥記嘅女朋友更容易啦！

CYT 沙律好明顯係一洗唔健康嘅形象，加入營養
食品藜麥 Cous Cous，Go Green 人士必食。



窩夫配上粒粒果肉嘅雜莓醬同新地雪糕，好吸引呀！



首度發售包裝咖啡豆，暫時有3款 single origin 包括 Ethiopia Sidamo、
Sumatra Mandheling 同 Guatemala Huehuetenango。