【荷蘭】【只准單拖 全球最孤獨餐廳】

今日同大家介紹世上有名嘅單身餐廳 EENMAAL，何解？因為所有食客必須一個人嚟食。餐廳老闆 Marina 認為孤獨係一種美，喺阿姆斯特丹嘅一間廢棄超市中改建成獨食餐廳 EENMAAL，喺荷蘭話的意思係「One Meal」，設計非常著重細節，因為 Marina 深信一個人嚟食飯，無分心之下定必非常留意所有細節，所以餐廳用上70年代復古嘅設計風格，擺設、裝修都極為著重，選料食材同烹調方式當然亦十分講究。當然呢度所有餐枱都係一人位，有啲更加係面壁，唔好以為嚟呢度嘅一定係毒男宅女，其實好多都係本身有伴侶嘅專業人士，一個人嚟呢度，係想靜靜地咁諗下嘢，甚至可以同自己對話，了解自己，喺忙碌嘅生活中暫停一下，除咗口腹之外，心靈亦非常飽足呢。

創辦人 Marina 本身職業係一位律師。



科技愈發達，人與人嘅距離愈遠，覺得孤獨嘅時間也就愈多。