【馬爾代夫】【水上婚禮坐船登場】

海上嘅獨立白色小屋加上透明玻璃通道，名符其實嘅海上婚禮。

愈嚟愈多港人選擇旅行結婚，講完我願意之後就直接享受二人世界，如果你仲係 plan 緊嘅話，不妨考慮下馬爾代夫嘅水上婚禮。位於馬爾代夫東北面嘅呢間白色小屋係屬於四季集團嘅 Landaa Giraavaru resort，小屋可以容納16位賓客，望落簡約樸素，但佢最大特色就係地板中間係透明玻璃，好似係水上面行禮一樣，而且隨時會見到唔同嘅海洋生物添。由於小屋係建喺海上，所以來往都一定要坐船，咁樣出場一定夠哂特別。如果你想要個特別嘅婚禮體驗，呢度就應該啱曬你啦。

內裡簡約自然，四面都係無盡嘅海，一啲都唔浮誇做作。



來往小屋都要坐船，夠哂浪漫，但首先兩位唔可以暈船浪。



係馬爾代夫四季行禮，我諗無過百萬都攪唔掂。