口袋書大小非常適合攜帶
互聯網發達，走入地鐵，盡目都係睇手機睇平板，睇書？稀罕過絕種動物啦。你估人人都可以好似吳局長咁自稱每個月「閱讀」30本書咩！世界各地有唔少活動鼓勵大家多睇書，巴西就最有創意，直接用書取代車票呢！巴西人平均每年只係讀2本書，屬於文明國家內極低水平，所以巴西政府都希望有機構可以鼓勵到國民睇書，而其中一間出版商 L & PM 就創意十足，推出一本內置地鐵飛嘅口袋書，一買本書，已經內有十程，可以好似八達通咁啫去入閘，十程之後亦可以入錢充值再用，直到你睇完本書之後，就可以考慮送俾親戚朋友，認真有心。另外羅馬尼亞其實都喺6月時有個新計劃，就係任何人帶書，唔理係咩種類，就可以喺指定日子乘搭巴士、電車等公共運輸工具，鼓勵人民帶書出街。香港呢，除咗書展大家會蜂擁前往之外，就真係唔多覺有咩閱讀氣氛喇！
計劃鼓勵巴西市民最起碼喺坐地鐵時睇書，慢慢每日睇少少。
種類多為外國翻譯小說
Comments
Post a Comment