【荷蘭】【機械人帶路行機場】

記得有次去荷蘭阿姆斯特丹 Schiphol 機場，大到嚇親人之餘，搵登機閘口個陣都好迷茫，雖然有指示，但一個唔小心睇錯牌或者行錯路，真係會花多你15分鐘時間，隨時 miss 咗班機。而家荷蘭航空 KLM 就開始研發帶路機械人 Spencer，佢「體內」內置咗機場嘅地圖同數據，又有多個唔同感應器，例如速度計、激光測距等，當然仲識得多種語言啦。只要你問佢機場各個閘口或餐廳位置，都可以話你知兼「親自」帶你到目的地，包唔會行錯路。而家 Spencer 喺機場做緊測試，雖然未知道幾時先至可以正式投入服務，但都係一個好開始吖。

Spencer由5個國家嘅技術人員合力研發，令人期待。