【荷蘭】【創意酒店 Zoku 房內可玩吊環】

房間簡約舒適，似服務式住宅多啲喎，價錢又抵。

一般酒店以大同豪華作賣點，不過大又係咪一定好呢？荷蘭阿姆斯特丹嘅新酒店 Zoku，房間唔係奢華土豪派，反而有一種住家感覺，細緻位都見到充滿心思，最特別嘅係一條收得埋嘅樓梯，訓個陣先拉出嚟，唔用就可以推番入去；另外工作空間就收埋係 king-size 嘅床下面，如果悶悶地想做下運動，房入面仲有一對吊環俾你拉下添。

不過 Zoku 最備受關注嘅竟然係廚房，入面有齊雪櫃、洗碗碟機、電爐、微波爐同咖啡機，等你可以每朝自己沖咖啡甚至係煮早餐。房價呢？標準房 (258平方呎) 每晚就146歐元，即係千二蚊左右，想大啲既話仲有 XL 同 XXL 房 (322及500平方呎)，都係219歐元，大約$1,850左右，都唔貴喎。

空間雖少，但樣樣都齊全，工作空間就收埋喺 king-size 嘅床下面。



悶悶地或者想做運動，拉下吊環又得，好有創意。