【印尼】【擺咗個大烏龍 椰子樹唔係樹可以斬？】

果阿邦 (Goa) 係印尼中最小嘅一個省，係由一眾小島所聚而成，由於其椰林樹影、水清沙幼，成為遊客度假勝地。不過果阿邦就擺咗個大烏龍，令當地嘅椰子樹唔再係「樹」！

話說當地政府喺一次公開會議中，制定一啲關於樹林嘅保護條例，例如將私下斬樹嘅罰款由100印尼盾上升至10萬，原意係保護樹木，可是卻犯咗一個致命錯誤，佢哋以官方口脛定下「樹」嘅定義為「要有主樹幹及旁枝」(with main trunk and branches)，好可惜，椰子樹係冇旁枝嘅，今次真係「椰子本無樹，明鏡亦非台」喇！

由於當地法例規定，任何人未經政府同意唔可以擅自斬樹，既然椰子樹唔再係「樹」，島上10萬棵椰子樹便忽然間失去咗呢個保護嘅免死金牌！霎時間有唔少人去沙灘斬樹，甚或偷斬人家花園嘅椰子樹，當局先發現自己犯錯了！急急加上修訂附例，將椰子樹納入為「樹」。所以話，大自然往往都因為人類嘅愚蠢犯錯而受罪！衰哉椰子樹，痛哉椰子樹！

椰子樹除咗令風景更靚外，亦為當地居民提供收入。