【荷蘭 鹿特丹】【綠化新景點‭ 河上漂流森林】

聽落得20棵樹好似比較少，但計劃初期點都要慢慢嚟嘅！

早前有報道話，香港人快樂基因唔夠多，命中注定唔開心，計我話，係我哋日日喺個石屎森林入面生活，有多少快樂基因都係徙然。但講到綠化環境，全球土地都唔夠用，邊有咁多閒情去做？荷蘭嘅鹿特丹就有一套有趣嘅解決方法，佢地索性喺市中心嘅 Rijnhaven 河上面，計劃喺3月16日會「種」樹20棵「水上漂流樹」，形成「飄流森林」‭(‬Bobbing Forest‭)‬。概念嚟自豪爾赫·巴克 ‭(‬Jorge Bakker‭) ‬嘅藝術作品「在慣習中尋找」‭(‬ In Search of Habitus‭)‬，佢喺水族箱入面，用浮標種樹，希望「飄流森林」可以令鹿特丹成為更綠化嘅城市，以後多一個景點去啦！

如今概念實踐，工作室話︰人、城市同自然，其實三為一體，互有關連。