【巴西】【呃Like神石 玩盡萬千網民】

大家都應該記得謝天華一招單手攀石「技驚四座」，喺社交媒體上乜都要爆，呃 Like 才是正經事，尤其旅行照片，更加要幾誇有幾誇。最近巴西一位年輕人 Luis Fernando Candela 將自己一張照片登上網，就係倒吊喺一嚿岩石上練腹肌，睇佢就似喺懸崖上玩命咁。

照片獲得極大迴響，萬千個 Like 同轉發，Luis 話拍攝嘅地點大土中巴西 Pedra do Telegrafo 國家公園嘅一處沿海崖邊，照片仲寫住「1千呎懸崖上練腹肌」，睇佢絕對係勁過謝天華，一直喺度玩命。不過！瘋傳照片後原來係一場笑話，喺國家公園嗰一嚿岩石，實際上只係離地約1米高，只不過拍攝時遷就一下角度，就可以拍出好似 Luis 嗰種「唔知就嚇死，知就笑死」嘅照片。玩笑揭穿後，果然吸引咗一大堆遊客上山揾下嗰嚿呃 Like 石，拍出千種不同嘅「危險照片」，突然變成巴西景點！

遊客隨即發揮豐富想像力，扮演各種情景。