【郵輪】【鐵達尼號二世2018啟航　夠唔夠救生艇？】

鐵達尼號二代連外型都跟原版一模一樣

被譽為永不沉沒嘅鐵達尼號喺1912年首航就撞冰山沉沒，細節唔洗講大家睇電影都快識背。不過澳洲商人 Clive Palmer 集團旗下嘅郵輪公司 Blue Star Line 原來正密密製造鐵達尼號二代 (Titanic II)，而且預計2018年正式落水啟航！鐵達尼號二代連內廊設計都跟足原版，為咗重現當年嘅古舊感，連電視都冇一部，公眾空間如大廳、餐廳、客房都盡量回復當年嘅模樣而建，唯一係駕駛艙都用上最新嘅導航設備，確保唔會遇上第一代嘅不幸情況；當然救生艇亦準備充足。郵輪體積同一代差唔多，排水量4萬噸，9層高，可載2,435位乘客同900位工作人員。老闆 Palmer 就表明自己一向好希望重現當時鐵達尼號嘅風采，同希望完成當年鐵達尼號未完成嘅航程，亦唔怕啲咩禁忌 (一般嚟講遇難嘅船名唔會再用)，建造費達到3億幾英磅！其實 Palmer 早喺2012年已經宣佈呢個計劃，當時預定喺2016年啟航，並由中國金陸船塢建造，不過由於種種原因未能完工，目前正式宣佈2018年才會啟航。