【巴西】【食人䱽肆虐海灘 50泳客遭咬傷】

過往食人䱽只會出現喺亞馬遜地區

踏入2016年，巴西認真多災多難，除咗寨卡病毒引致幾十萬人感染外，最近海灘仲不時出現食人䱽咬傷泳客事件！南美正值炎夏，唔少居民同遊客都會喺巴西海灘感受一下濃濃嘅森巴氣氛，喺巴西中部柏爾瑪斯市嘅海灘，呢一星期就已經有8位泳客被食人䱽咬傷，加上聖保羅同東北嘅阿拉戈斯等地總計夏天至今巴西已有50多人被咬！根據報道，今年多食人䱽係由於全球氣候劇變，食人䱽都游向巴西水域避寒同尋找食物，呢啲白色食人䱽被稱為 White Bitches，每條約一隻手掌長，牙齒非常鋒利而且強而有力，咬力比大白鯊更強，以一群形式覓食，佢哋常常誤以為人類嘅手腳係游動嘅魚而攻擊。被咬者好多係喺深水地區游水時被咬腳踭，大家如果正打算去巴西游水，小心啦！

巴西海灘非常緊張，到處也提醒人小心食人䱽出沒。



食人䱽咬力驚人，而且可以聞到3公里外嘅血腥味。