魯西火山一向被泥漿埋沒，係罕有嘅泥火山。
早前報道過災難旅遊係現今旅遊嘅其中一種，唔少天災人禍嘅災難現場事後被刻意或無意成為旅遊點，人們都會爭相前往睇災難後嘅現場，較出名例如美國新奧爾良被颶風卡特里娜摧毀嘅小城市、四川都江堰地震之後嘅瓦礫等。最近喺亞洲印尼都有一個新興嘅災難旅遊點，就係印尼東爪哇省嘅魯西火山，2006年火山突然喺冇預兆嘅情況下爆發，岩漿淹沒附近12條村，居民緊急疏散，最後導致12人死亡，4萬多人流離失所。當時火山爆發嘅岩漿湧入當地一個湖，形成一個超過7百公頃嘅岩漿湖，事隔10年已凝固成泥土，亦有唔少居民返嚟生活，亦吸引到唔少遊客前往參觀。而重回當地嘅居民，由於原本工作嘅地方已被岩漿淹沒，冇工作之下，反而成為咗接待遊客嘅司機同導遊，講解當年村莊嘅情況同爆發時嘅逃生故事。不過有專家就明言火山有機會再爆發，存在一定風險，加上亦有可能有易燃嘅泡沫同無味但有毒嘅氣體，勸喻遊客都係唔好前往為妙。
當年被淹沒嗰12條村莊已變成7百公頃嘅泥地
Comments
Post a Comment