【郵輪】【全球最大郵輪試航 五月準備出發】

海洋和諧號將成為全球最大郵輪

郵輪假期係唔少人放輕鬆又唔想坐飛機嘅選擇，尤其係想舒舒服服一次過遊幾個城市嘅朋友。全球最大嘅郵輪，皇家加勒比海公司旗下嘅「海洋和諧號」（Harmony of The Seas）終於喺日前正式下水試運，並預計喺5月正式啟航載客！目前最重量級郵輪為海洋綠洲號同海洋傾城號，同為和諧號嘅姊妹郵輪，而和諧號則比前兩艘都要大，載客量為5千多人，加上2千多位員工，總載人量為8千人，重227,000噸，共有16層，簡直可以話係一座海洋城市！和諧號上設施豐富，基本設施如泳池、健身室當然唔少得啦，仲有貫穿多層嘅滑水梯！酒吧仲有機器人負責調酒呢。日前試運時冇載客，只有500名員工。郵輪公司預計今年5月會喺英國南開普敦啟航，前往地中海巴塞隆那。

內龐跟姊妹郵輪差唔多，同樣有中空庭園。