全球最豪華火車 The Belmond Andean Explorer 將喺2017年正式啟用，呢架豪華列車將貫穿安第斯山脈，由秘魯東南方嘅庫斯科，其中一個最古老嘅印加古城，穿越的的喀喀湖同世界文化遺產古城阿雷基帕，全條路線都風光如畫。當然除咗車外嘅無盡風光以外，最大賣點係列車上嘅設施，乘客可以入住套房、雙人房同上下格床房，房中當然非常豪華，由國際知名嘅設計公司 HBA 首席設計師 Inge Moore 負責，用上本地南美洲嘅材料同風格，例如鴕羊毛等等。而跟以往列車嘅最大分別，係喺房中設有獨立洗手間同浴間，難怪可以媲美酒店！車上嘅美食亦不缺，其中兩卡被劃成餐廳，由酒店級大廚負責，而材料就喺安第斯山脈中揾嘅，極為天然！列車只有32間房，價錢逐日計，平均為$2,600港元一晚，連一切飲食，對比起酒店，價錢又真係唔算太離地，拭目以待喇！
Comments
Post a Comment