香港創科局就白逗人工差唔多兩年，相反鄰近國家好多不斷創新科技喎！成日都話係香港假想敵嘅新加坡，果然先行一步，已經推出無人駕駛的士！新加坡同英國 Delphi 汽車公司合作，將會引入6架 Audi 汽車，放置入商業區緯壹科技城一條長3.5公里嘅馬路上。無人駕駛的士將可以用 Uber 同 Lyft 等叫車軟件，而且收費比真的士更平，原本每英里為3蚊美金，降至90分錢，大減30％多。不過暫時嘅無人駕駛的士會安排一位司機，純粹防止機械失靈時可以作為緊急操作。計劃中到2019年司機就會全面撒出，而鈦盤亦會消失，變成真真正正無人駕駛。其實 Delphi 一星已經喺2015年完成美國東西岸嘅無人駕駛示範，之後亦考慮會喺歐洲作示範。而新加坡亦一直不遺餘力發展呢項科技，3月先正式完成無人駕駛嘅測試。所以大家如果準備要去新加坡旅遊，不妨碰吓運氣，話唔定有機搭到無人駕駛的士㗎！
Comments
Post a Comment