【瑞士】【阿爾卑斯山下真正「露宿」 無遮無蔽只有一張床】

呢間咁新奇又有趣嘅酒店Null Stern ，位於瑞士東南部阿爾卑斯山脈一個海拔1970米嘅平地上，唯一一間戶外「房間」只有一張雙人床，重有兩張凳咁大把，畀你叫朋友嚟坐吓傾吓計，一齊變瑞士山區肺。呢個咁簡約主義嘅idea係由瑞士孿生兄弟Frank and Patrik Riklin諗出嚟，完全係「以天為被，以地為床」嘅概念！你一落床行幾步就係青青嘅草地，就係想你哋無時無刻都可以自然咁同大自然融合。呢間旅館除咗廁所係有啲距離之外，其他一切都係交畀管家幫你，你只係需要盡情欣賞呢個美景，訓係床到睇吓星星，做吓飄零燕就得啦。不過唔好睇少「呢張床」，佢收費都唔平，一晚都要191英鎊（約$1,955港幣），只要你有興趣欣賞一吓呢個真正嘅「露宿」，你絕對會覺得呢度值回票價！