【墨西哥】【超夢幻粉紅色湖】

粉紅色係一個超夢幻嘅顏色，飲嘢可以粉紅，嘢食可以粉紅，着衫可以粉紅，旅行都可以粉紅。呢期好多人喺IG上載呢個粉紅色潟湖，佢叫Las Coloradas，位於墨西哥尤卡坦半島（Yucatán Peninsula）嘅東海岸邊，粉紅色係嚟自於水中豐富嘅紅色浮游生物同鹽水蝦，佢哋從體內釋放出化學物質將湖水染成咁繽紛夢幻嘅顏色，絕對係100%天然冇添加！除咗呢個呃Like粉紅潟湖，當地重有超巨型嘅鹽晶體大山，唔少旅客會將鹽分極高嘅沙泥敷喺皮膚度，以求消炎鎮定嘅效果，適合曬後皮膚護理，大家記得試試啦！